Sigurður Egill Þorvaldsson

Stór hluti raflína að álverinu í Straumsvík verður lagður í jörðu samkvæmt nýju samkomulagi Alcan og Landsnets. Álverið greiðir kostnaðinn og Hafnarfjarðarbær mun ekki bera neinn kostnað af breytingunum.

Ekki stendur aðeins til að nýjar línur fara í jörð heldur líka hluti þeirra sem fyrir eru. Sú kvöð fylgir þessu samkomulagi að stækkun álversins verði samþykkt í kosningunum á laugardag.

Helstu breytingarnar verða þær að línumannvirki við Vallarhverfið verða fjarlægð ásamt stórum hluta spennistöðvarinnar við Hamranes. Aðrar loftlínur sem nú standa ofan við byggðina verða grafnar í jörð við Kalárselsveg að spennustöðinni en stöðin mun að loknum breytingum aðeins þjónusta íbúðabyggð í Hafnarfirði.

Andstæðingar stækkunarinnar álversins í Straumsvík gagnrýna vinnubrögð Alcan fyrir að hringja í fólk í Hafnarfirði og spyrja þau um afstöðu þeirra um fyrirhugaða stækkun.  Samt sem áður hafa andstæðingarnir líka ákveðið að hringja í fólk.  Viðtalið við Sól í Straumi í fréttum í kvöld var þannig að þeir fordæma vinnubrögð Alcan en ætla samt að gera það sama????  Það er allt gagnrýnt sem Alcan gerir og heilindi þeirra dregin í efa.  Hvar eru heilindi Sólarmanna?  Ekki eru þeir samkvæmir sjálfir sér.  Öll tækifæri eru notuð til að koma óorði á fyrirtækið.  

ER MÁLSTAÐUR ANDSTÆÐINGA ORÐINN SVONA VEIKUR AÐ ALLT PÚÐUR ÞEIRRA FER Í AÐ GAGNRÝNA ÞAÐ SEM ALCAN GERIR. 

-  beinar tekjur Hafnarfjarðarbæjar aukast um 800 milljónir

- 350 ný varanleg störf skapast í álverinu

- 800 ný varanleg afleidd störf skapast

- auknar útflutningstekjur

- öllum loftgæðiskröfum er fullnægt og engum stafar hætta af þeim

- öflugt fyrirtæki tryggt til næstu 50-60 ára

- fyrirtæki sem ekki flytur burt með stuttum fyrirvara

- leggjum okkar af mörkum til að minnka losun gróðurhúsalofttegunda

- atvinna tryggð til frambúðar

Beinar tekjur Hafnarfjarðarbæjar af stækkuðu álveri og breyttu skattaumhverfi þess munu verða umtalsverðar. Samkvæmt útreikningum Hagfræðistofnunar Háskóla Íslands verða beinar tekjur bæjarfélagsins vegna fasteignagjalda, hafnargjalda og vatnsgjalds rúmar 800 milljónir króna á ári.
Niðurstöður stofnunarinnar staðfesta það sem forsvarsmenn álversins hafa kynnt fyrir bæjarbúum á undanförnum mánuðum.

Hagfræðistofnun ráðgerir að fasteignagjöld álversins eftir stækkun verði um 650 milljónir króna á ári og hafnargjöld vegna notkunar á Straumsvíkurhöfn muni aukast um allta að 150 milljónum króna frá því sem nú er. Þá telur Hagfræðistofnun líklegt að tekjur bæjarins af vatnsgjaldi hækki um nokkrar milljónir við stækkunina.

Skattgreiðslur Alcan til Hafnarfjarðar eftir stækkun álversins tengjast ekki afkomu fyrirtækisins eða aðstæðum á álmörkuðum. Þvert á móti er um að ræða tekjur sem hvíla á traustum grunni, þar sem verðmæti fasteigna á álverssvæðinu og magn útfluttra vara liggur til grundvallar. Í því felst mikið öryggi fyrir bæjarfélagið sem myndi auka ráðstöfunartekjur sína verulega með stækkun álversins.

Niðurstöður Hagfræðistofnunar

 • Líklegt er að fasteignagjöld af stækkun álversins verði í fyrstu um 400 milljónir króna á ári, eða ríflega 200 milljónir króna umfram það sem greitt yrði af öðru iðnaðarhúsnæði á svæðinu. Þetta bætist við fasteignagjöld af húsum og lóðum sem Alcan á nú á svæðinu, en þau nema líklega nálægt 250 milljónum króna á ári. Alls yrðu fasteignagjöld af álveri Alcans þá um 650 milljónir króna á ári. Hafa ber í huga þegar þessar fjárhæðir eru skoðaðar að húsakostur Alcans eru afskrifaðar mun hraðar í fasteignamati en flest annað atvinnuhúsnæði.

• Tekjuauki Hafnarfjarðarhafnar af stækkun álversins í Straumsvík gæti hæglega numið á bilinu 75 til 150 milljónum króna á ári. Þessi fjárhæð fer að hluta í rekstur Straumsvíkurhafnar og endurbætur á höfninni þar, en því sem eftir kann að standa má samkvæmt hafnalögum verja í aðrar endurbætur á Hafnarfjarðarhöfnum og rekstur þeirra.

• Líklegt er að útsvar nýrra starfsmanna álversins sem búa í Hafnarfirði verði um 120 milljónir króna á ári fyrst eftir stækkun, eða 45 milljónir umfram útsvar af meðallaunum á höfuðborgarsvæðinu. Þessi tala lækkar eftir því sem starfsmönnum álversins fækkar.

• Líklegt er að tengja megi um 850 ársverk á landinu öllu við stækkun álversins í upphaf, að meðtöldum ársverkum í álverinu sjálfu. Þetta þýðir þó ekki að störfum á landinu fækki sem þessu nemur ef álverið verður ekki stækkað.

• Samkvæmt upplýsingum frá Alcan má búast við að tekjur hafnfirskra fyrirtækja vaxi um rúmlega 3 milljarða króna á ári ef álverið verður stækkað.

• Tekjur af orkusölu til álversins voru um 14% af heildartekjum af orkusölu á landsvísu árið 2004 ef marka má opinberar hagtölur, en þess má geta að álverð sem verð orkunnar er tengt við, hefur hækkað mikið undanfarin ár. Má því gera ráð fyrir að hlutfallið sé hærra um þessar mundir.

• Ekki eru líkur á að útblástur landsmanna af gróðurhúsategundum fari fram úr kvóta landsmanna á gildistíma Kyoto-samkomulagsins, ef miðað er við meðalútblástur á árunum 2008 til 2012, en líklegt má telja að á árunum sem á eftir koma muni Íslendingar þurfa aukinn kvóta, að því gefnu að allar þær hugmyndir sem nú eru uppi um uppbyggingu stóriðju verði að veruleika.